Hannibal ex hibernis per Etruriam ad Trasumenum lacum pervenerat, omni clade urbes agrosque vastans.Inter lacum et colles via angusta est, ultra campus patescit. Carthaginiensium dux ibi in loco aperto castra posuit, levis armaturae milites post montes locavit atque equitatum in insidiis ad fauces saltus occultavit. Romanorum exercitus quoque, Flaminii consulis ductu, ad lacum pervenit, angustias superavit, Poenorum castra copiasque in patenti campo conspexit, ad hostes processit. Forte e lacu densa nebula surrexit atque omnia loca contexit. Itaque consul Carthaginiensium insidias post terga et supra caput impendentes non animadvertit: Hannibalis peditatus et equitatus, montes et lacus Trasumenus undique Romanos claudebant.
- Latino
- Versioni di Marco Porcio Catone
- Versioni dai Libri di Esercizi
