Anno fere septingentesimo ac nono ab U.c., interfecto Caesare, bella civilia Romae reparata sunt: Caesaris percussoribus enim Senatus favebat, sed Antonius consul, qui partium Caesaris erat ut eius mortem vindicaret, contra eius interfectores arma sumpsit,itaque novum bellum civile Romae suscitavit. Quare, cum rem publicam turbavisset, M. Antonius a Senatu patriae hostis iudicatus est.Tum ille Roma effugit et, privato exercitu conscripto, in Aegyptum confugit.Ut Antonium caperent missi sunt duo consules, L- Pansa et A. Hirtius, et Octavianus, adulescens duodeviginti annorum, Caesaris nepos et heres, qui postea Augustus appellatus est et primus Romanorum imperator factus est. Hi tres duces contra Antonium pugnaverunt atque eum profligaverunt. Tamen quia ambo consules victores in proelio perierunt, evenit ut tres exercitus uni Caesari Octaviano parerent.
- Latino
- Maiorum Lingua B
- Versioni dai Libri di Esercizi
