Attacco dei Britanni e contrattacco dei Romani

Postero die procul a castris hostes in collibus constiterunt rarique se ostendebant et lenius quam pridie nostros equites proelio lacessebant. Sed meridie cum Caesar pabulandi causa tres legiones atque omnem equitatum cum C. Trebonio legato misisset, repente ex omnibus partibus ad pabulatores advolaverunt, sic ut ab signis legionibusque non absisterent. Nostris acriter in Britannos impetus faciendus fuit, itaque eos reppulerunt neque finem sequendi fecerunt: quo subsidio confisi equites, cum post se legiones viderent, praecipites hostes egerunt, magnoque eorum numero interfecto neque sui colligendi neque consistendi aut ex essedis desiliendi facultatem dederunt. Ex hac fuga protinus auxilia, quae undique convenerant, discesserunt, neque post id tempus umquam summis nobiscum copiis hostes contenderunt.