Magna me sollicitudine affecit Passenni Pauli valetudo, et quidem plurimis iustissimisque de causis. Vir est optimus, honestissimus, nostri amantissimus; praeterea in litteris veteres aemulatur, exprîmit, reddit, Propertium in primis, a quo genus ducit, vera suboles eique simillima, in quo ille praecipuus (est). Si elegos eius in manus sumpseris, leges opus tersum, molle, iucundum et plane in Propertii domo scriptum. Magna variêtas, magna nobilitas; (Passennius) amat ut qui verissime, dolet ut qui impatientissime, laudat ut qui benignissime, ludit ut qui facetissime.
- Latino
- Maiorum Lingua C
- Versioni dai Libri di Esercizi
