Quousque tandem, Catilina, abutere patientia nostra? Patere tua consilia non sentis? Patefactam (esse) coniurationem tuam non vides? Quae cum ita sint, Catilina, exi ex urbe; libera rem publicam metu, in exilium abi! Quid est? Ecquid attendis? Dico te priore nocte adiisse M. Laecae domum, ubi convenerant complures eiusdem sceleris socios. Num negare audes? Quid taces? Argumenta afferam,si negas. Video enim esse hic, in ipso senatu, quosdam qui tecum illa nocte fuerunt. O di immortales, ubi sumus? quam rem publicam habemus? in qua urbe vivimus? Hic, patres conscripti, hic, in senatorum numero, in hoc sanctissimo gravissimoque consilio, sunt qui de omnium nostrum interitu, qui de huius urbis exitio cogitent. Quam ob rem, patres, vigilate; vos autem, Quirites, deos implorate ut hanc urbem, quam pulcherrimam, florentissimam potentissimaque esse voluerunt, a Catilina eiusque sociis defendant. Utrum, enim, liberi esse mavultis, an servi Catilinae fieri?
- Latino
- Maiorum Lingua B
- Versioni dai Libri di Esercizi
