Prudentissima civitas Atheniensium fuisse traditur; eius porro civitatis sapientissimum Solonem dicunt fuisse, eum
qui leges, quibus hodie quoque utuntur, scripserit. Is, cum interrogaretur cur nullum supplicium constituisset in eum qui
parentem necavisset, respondit se id neminem facturum putavisse.
Sapienter fecisse dicitur, cum de eo nihil sanxerit quod
antea commissum non erat, ne non tam prohibere quam admonere videretur. Quis autem nostri maiores? Qui cum intellegerent nihil
esse tam sanctum quod non aliquando violaret audacia, supplicium in parricidas singulare excogitaverunt: insui voluerunt in
culleum vivos atque ita in flumen deici.
- Latino
- Versioni di Marco Porcio Catone
- Cicerone
