Eo die a Marcello digressus eram et Athenas reverteram;Marcellus autem dicebat se in Italiam ex Piraeo navigaturum esse. Postridie,circiter hora decima noctis,ad me venit Publius Postumius,qui mihi nuntiavit Marcum Marcellum,post cenae tempus, a Publio Magio Chilone pugione percussum esse et duo vulnera accepisse,unum in stomacho,alterum in capite. Sperabat autem eum superfuturum esse. Adiecit etiam Publium Magium se ipsum gladio interfecisse et dixit se a Marcello ad me missum esse ut haec nuntiaret. Ubi illuxit,ego ad Marcellum profectus sum. Cum non longe a Piraeo abessem,servus obviam mihi venit cum codicillis,in quibus erat scriptum paulo ante lucem Marcellum vulneribus mortuum esse. Ego tamen ad eum perrexi et inveni duos libertos et pau****s servulos,qui flebant et dicebant se in somno nihil sensisse. Statui mea lectica eum in urbem reportare ibique funus satis amplum ei adparare.
- Latino
- Versioni di Marco Porcio Catone
- Versioni dai Libri di Esercizi
