M. Cicero, cum apud Damasippum cenaret et ille, ponens mediocre vinum, diceret: “Bibite Falernum hoc; annorum quadraginta est”. “Bene – inquit – aetatem fert”. M. Cicero, cum Lentulum generum suum, exiguae staturae hominem, longo gladio accinctum vidisset: “Quis – inquit – generum meum ad gladium adligavit?”. M. Cicero, cum Quinti fratris clipeatam imaginem vidisset, ingentibus lineamentis usque ad pectum ex more pictam (erat autem Quintus ipse staturae parvae), ait: “Frater meus, dimidius, maior est quam totus!”.
- Latino
- Versioni Latinum Vertere
- Versioni dai Libri di Esercizi
