MIthridates, rex Ponti, bello sociali dissidentibus Romanis, Nicomedem Bithynia, Ariobarzanen Cappadocia expulit. Litteras per totam Asiam misit ut, quicumque Romanus esset, certa die interficeretur; et factum est. Graeciam insulasque omnes, excepta Rhodo, occupavit. Sylla eum proelio vicit, classem eius proditione Archelai intercepit, ipsum apud Dardanum oppidum fudit et oppressit. Deinde eum acrius resistentem Lucullus fudit. Mithridates post, a Pompeio nocturno proelio victus, in regnum confugit, ubi per seditionem popularium a Pharnace filio in turre obsessus, venenum sumpsit.
- Latino
- Versioni di Marco Porcio Catone
- Versioni dai Libri di Esercizi
