Deus ille, parens rerum fabricatorque mundi, hominem separavit a ceteris animalibus tantum dicendi facultate. Nam corpora quidem magnitudine, viribus, firmitate, patientia, velocitate praestantiora in illis videmus, eadem corpora minus egere externis opibus. Nam et ingredi citius et pasci et tranare aquas natura ipsa sciunt. Et pleraque animalia contra frigus ex suo corpore vestiuntur, et arma iis ingenita quaedam (sunt) et facilis victus. Et in ceteris animalibus, praeterea, intellectum et cogitationem quandam videmus. Nam et mollire cubilia et nidos texere et educare foetus et reponere in hiemem alimenta et opera quaedam nobis inimitabilia (qualia sunt cerarum et mellis) efficêre sciunt. Rationem nobis praecipuam hominus dedit deus, sed ipsa ratio neque tam nobis iuvaret neque tam esset in nobis manifesta nisi quae mente concepissemus exprimere loquendo possemus.
- Latino
- Maiorum Lingua C
- Versioni dai Libri di Esercizi
