Numquid iam ullam mulierem repudii pudet, postquam inlustres quaedam ac nobiles feminae non consulum numero, sed maritorum annos suos conputant et exeunt matrimonii causa, nubunt repudii? Non me praeterit quantum maiores nostri istum morem timuerint, quamdiu rarus erat; quia nulla sine divortio acta sunt, quod saepe audiebant, facere didicerunt. Num quem iam adulterii pudet, postquam eo ventum est, ut nulla mulier virum habeat, nisi ut adulterum inritet? Argumentum deformitatis pudicitiam plerique ducunt. Quam invenies tam miseram, tam sordidam, ut illi satis sit unum adulterorum par? Infrunita et antiqua est, quae nesciat matrimonium vocari unum adulterium.
- Latino
- Lingua Viva 2
- Versioni dai Libri di Esercizi
