Strathonicus Atheniensis, cum quodam die quendam cantantem atque cithara psallentem audivisset, exlamavit: “Huic Iuppiter alterum dedit, alterum negavit!”. Cum aliqui, qui haec verba audiverant, ex eo quaesivissent quidnam Iuppiter illi musico dedisset ac quid negavisset, Strathonicus respondit: “Male sonare deus ei dedit; eidem bene cantare negavit”.
Dionysius, Syracusanorum tyrannus, aliquando in convivio musicum quendam cithara psallentem audiverat et, cum ille vere peritus esset, Dionysius ei praemium in crastinum diem promiserat. Postridie igitur citharista ad Dionysium adiit mercedem promissam petiturus. Cui Dionysius respondit: “Heri tu me citharae tuae cantu delectavisti, ego te delectavi muneris spe. Nihil igitur tibi debeo hodie”.
- Latino
- Maiorum Lingua B
- Versioni dai Libri di Esercizi
