Pisistratus mitissimus fuit. Cum adulescens quidam, amore erga filiam eius incensus (infiammato), in eius fronte in publico osculum impressisset. Pisistrati uxor maxima ira exarsit et virum suum rogavit ut morte adulescentem multaret. At vir: “Si eos occidimus qui nos amant, quid iis faciemus qui nos in odio habent?”. Olim, cum quidam ex amicis eius apud eum cenarent, unus ex iis, cui nomen erat Thrasippus, cum multum vini potavisset, contumelias Pisistrato fecit, quas ille aequo animo toleravit. Tunc Thrasippus, mansuetudine eius accensus (incoraggiato), gravioribus contumeliis eum operuit atque arroganter in eius os expuit. Postridie homo ille, cum ebrietas eius evanuisset, intellexit quam graviter Pisistratum contumeliis suis laesisset, et sibi mortem consciscere volebat. At Pisistratus eandem mansuetudinem adhibuit quam pridie et eum a consilio detraxit.
- Latino
- Versioni di Marco Porcio Catone
- Versioni dai Libri di Esercizi
