Cum Tyri rex Mutgo (Mutgone) decessurus esset, filium Pygmalionem et Elissam, quam alii Didonem vocant, insignis formae virginem, heredes instituit. Sed populus Pygmalioni, sedecim annorum puero, regnum tradidit. Elissa Acerbae, avunculo suo, sacerdoti Herculis, qui honos secundus post regem erat, nubit. Huic magnae, sed dissimulatae, divitiae erant: aurum, metu regis, non tectis sed terrae crediderat; quam rem etsi homines ignorabant, fama tamen loquebatur. Quarum cupoditate incensus, Pygmalion, iuris humani oblitus, avunculum suum sine respectu pietatis occidit.
- Latino
- Versioni di Marco Porcio Catone
- Giustino
