Hercules, Alcmenae filius, olim in Graecia habitabat. At Iuno, regina dearum, Alcmenam contemnebat et Herculem, qui adhuc in cunis erat, necare optabat. Dea mittebat igitur duas colubras saevas; colubrae media nocte in cubiculum Alcmenae veniunt, ubi Hercules dormiebat. Nec tamen in cunis, sed in scuto magno cubabat. Colubrae iam appropinquabant et parmam movebant; itaque Hercules e somno excitabatur, sed haudquaquam terrebatur. Parvis manibus colubras statim prehendit et magna violentia comprimit. Itaque colubrae a puero necabantur. Alcmena autem e somno excitatur et lucernam accendit et ad cunas properat, ubi Hercules iam ridebat et colubras mortuas monstrabat.
- Latino
- Lingua Viva 1
- Versioni dai Libri di Esercizi
