Contra Veientanos, qui rebellaverant, a senatu missus est Furius Camillus, dictator creatus. Is primum Veientanos in acie vicit, deinde etiam eorum urbem cepit. Veiis captis, cepit et Faliscos, non minus nobilem civitatem. Sed contra Camillum commota est acris invidia, quod – ut milites dicebant – praedam iniuste diviserat; quare accusatus et damnatus, Roma expulsus est. Sed cum Galli Senones, Romanorum exercitu apud flumen Alliam profligato, ad Urbem accesserunt et Romam occupaturi erant, senatus ab exsilio Camillum, auxilium patriae laturum, revocavit. Tum is, qui in vicina civitate exsulabat, Romam rediit et, Gallis devictis, triumphans in Urbem victor iniit.
- Latino
- Maiorum Lingua A
- Versioni dai Libri di Esercizi
