Atticus adulescentulus propter affinitatem P. Sulpici, qui tribunus plebis interfectus est, non expers fuit illïus periculi: namque Anicia, eius consobrina, nupserat Servio, fratri Sulpicii. Itaque interfecto Sulpicio, posteaquam vidit Cinnano tumultu civitatem esse perturbatam neque sibi dari facultatem honeste vivendi, dissociatis animis civibus, cum alii Sullanis, alii Cinnanis faverent partibus, idoneum tempus (esse) ratus studiis obsequendi suis, Athenas se contulit. Neque eo adulescentem Marium, hostem iudicatum, iuvit operibus suis, cuius fugam pecunia sublevavit. Hoc ita vixit, ut universis Atheniensibus merito esse carissimus. Nam saepe suis opibus inopiam eorum publicam levavit. Auxit hoc officium alia quoque liberalitate: nam universos frumento donavit, ita ut singulis seni modii tritici darentur, qui modus mensurae medimnus Athenis appellatur. Hic autem sic se gerebat, ut communis infimis, par principibus videretur. Quo factum est ut Athenienses huic omnes honores publice haberent civem que facere studerent: quo beneficio ille uti noluit.
- Latino
- Maiorum Lingua C
- Versioni dai Libri di Esercizi
