Ad reliqua transeamus animalia et primum terrestria. Maximum est elephans proximumque
humanis sensibus, quippe intellectus illi (est) sermonis patrii et imperiorum oboedientia, officiorum quae dicere memoria,
amoris et gloriae voluptas, immo vero (ea), quae etiam in homine rara (sunt), probitas, prudentia, aequitas, religio quoque
siderum soliisque ac lunae veneratio. Auctores sunt in Mauretaniae saltibus ad quendam amnem, cui nomen est Amilo, nitiscente
luna nova, greges eorum descendere ibique se purificantes solemniter aqua circumspergi atque, ita salutato sidere, in silvas
reverti, vitulorum fatigatos prae se ferentes.
- Letteratura Latina
- Versioni di Marco Porcio Catone
- Plinio il Vecchio
