Thermae publica aedificia erant, ubi Romani lavabantur vel ludis gymnicis exercebantur vel cum amicis otium consumebant. In thermis multa membra continentur. Frigidarium locus erat, ubi balinea frigida erant, calidarium autem locus, ubi balinea calida. Deinde tepidarium locus erat, ubi viri paulisper consistere poterant inter frigidum et calidum balineum. Erant in thermis etiam natatoriae, palestrae ludis gymnicis aptae et sphaeristeria, ubi multi viri magno cum studio pila ludebant. Non solum in urbe Roma thermae erant; etiam in provinciarum oppidis thermae aedificabantur et maxime a patriciis frequentabantur.
- Latino
- La Lingua delle Radici 1
- Versioni dai Libri di Esercizi
