Cum Galba dies in hibernis complures egisset frumentumque eo comportari iussisset, subito per exploratores cognovit omnes Gallos noctu discessisse ex ea parte vici iis concessa montesque a magna moltitudine Sedunorum et Veragrorum teneri. Multis de causis acciderat ut subito Galli bellum renovarent legionemque opprimere consilium caperent: primum quod, detractis cohortibus duabus et multis singillatim, propter paucitatem despiciabant legionem; deinde quod, cum ipsi ex montibus in vallem decurrerent et tela conicerent, exstimabant pro certo ne primum quidem impetum suum nostros sustenturos esse.
- Latino
- De Bello Gallico
- Cesare
