Octavianus, cum belli artem discere vellet, cum avunculo in Hispaniam venit. Postea Apolloniam, florentem Illyriae urbem, petivit. Cum avunculi mortem audivisset, Romam remeavit atque in Latio exercitum collegit ut subveniret Decimo Bruto, qui ab Antonio Mutinae obsidebatur. Cum in urbem non intrare mallet, quia ab hostibus intercludebatur, Bruto autem suum adventum nuntiari vellet, ei epistulas in levibus laminis inscriptas immisit, quas fluminis undis commisit, quod per urbem intra moenia praeterfluebat. Postea, ut epistulae celeriter mitterentur, eas ad colla columbarum, quas diu in caveis inclusas ac sine cibo tenuerat, adligavit. Cum columbae, lucis cibique avidae, e caveis emissae sunt, Mutnam petiverunt, ubi a Bruti militibus, qui grana frumenti in tectis posuerant, facile captae sunt.
- Latino
- La Lingua delle Radici 1
- Versioni dai Libri di Esercizi
