Postea Numa Pompilius regnat, qui nullum bellum gerit, sed Romanis bonas leges dat et multa templa Romae aedificat. Numae Pompilio Tullus Hostilius succedit. Tullus bella renovat, Albanos et alios populus finitimos proelio vincit. Postea Ancus Marcius, Numae filiae filius, imperium suscipit. In Latinos pugnat, Aventinum et ianuculum oppido addit; apud ostium fluvii Tiberis Ostiam condit.
Deinde regnum Priscus Tarquinius accepit. Numerum senatorum duplicat, circum aedificat, ludos Romanos instituit; vincit Sabinos et multos Sabinorum agros Romae territorio iungit. Muros et cloacas exstruit, magum et splendidum templum in Capitolio incohat. Tricesimo anno imperii sui ab Anci Marci filiis interficitur.
- Latino
- Maiorum Lingua A
- Versioni dai Libri di Esercizi
