Romanorum imperium exordium habet a Romulo, filio Rheae Silviae et Martis, belli dei. Romulus parvum oppidum in Palatio condit et ex nomine suo Romam vocat. Multi viri ex agris oppidisque vicinis Romam conveniunt et novum populum constituunt. Quia uxores non habent, Romulus invitat ad spectaculum ludorum Sabinos, finitimum populum, et eorum feminas rapit. Propter iniuriam Sabini Romanis bellum indicunt, sed proelio vincuntur. Anno tricesimo septimo regni Romulus, ut fama fert, ad caelum ascendit et ut deus colitur.
- Latino
- Maiorum Lingua A
- Versioni dai Libri di Esercizi
