Sub Romuli imperio populus Romanus erat exiguus neque feminae erant. Tum Romulus populum Sabinum cum feminis ad ludorum spectacula invitavit. Repente Romani rapuerunt feminas Sabinas; at Sabini bellum Romanis indixerunt. Deinde bellum cessavit et magna concordia fuit inter Romanos et Sabinos. Romulus regnavit diu; post Romulum Numa, vir sanctus et probus. Numa magna templa aedificavit. Post Numa regnum obtinuit Tullus Hostilius. Tullus imperium ampliavit. Post Tullum regnavit Ancus Marcius. Ancus contra Latinos dimicavit. Post Ancum regnavit Priscus Tarquinius. Tarquinius aedificavit Circum. Post Tarquinium regnum habuit Servius Tullius; post Servium, Tarquinius Superbus.
- Latino
- Versioni Latinum Vertere
- Versioni dai Libri di Esercizi
