Numa Pompilius nullum bellum gessit, sed profuit civitati. Nam leges Romanis moresque constituit, annum descripsit in decem menses, infinita Romae sacra ac templa constituit. Quadraginta tres annos regnavit. Tullus Hostilius Numae successit et bella reparavit: Albanos enim, Veientes, Fidenates vicit, urbem ampliavit. Triginta duos annos regnavit. Post Tullum Hostilium Ancus Marcius, Numae nepos, imperium suscepit. Contra Latinos dimicavit. Aventinum montem civitati adiecit et laniculum, apud ostium Tiberis civitatem supra mare condidit. Viginti quattuor annos regnavit.
- Latino
- Versioni Latinum Vertere
- Versioni dai Libri di Esercizi
