Deinde regnum Priscus Tarquinius accepit. Is numerum senatorum duplicavit, circum in Urbe aedificavit, ludos Romanos instituit. Vicit idem etiam Sabinos et multum agrum urbis Romae territorio iunxit, primusque triumphans Urbem intravit. Muros fecit et cloacas, Capitolium inchoavit. Triginta octo annos regnavit. Post Tarquinium Servus Tullius imperium suscepit. Is Sabinos quoque subegit, montes tres, Quirinalem, Viminalem, Esquilinum Urbi adiunxit, fossas circum murum duxit, censum ordinavit.
- Latino
- Versioni Latinum Vertere
- Versioni dai Libri di Esercizi
