Equi, asini et aliae bestiae olim silvas habitabant et in agris errabant. Equus in agro teneras herbas sumebat cum aliis bestiis. Olim equus, quod cervus herbas flagitabat et equum vexabat, ei dixit: «Liber sum atque agri dominus et cibum sumere possum. Itaque, cerve, invidus es». Tum equus se viri tutelae commendavit. Vir autem equum infrenavit et in eum insiluit; paulo post cervus ab equo superabatur et fugabatur. Itaque equus iniuriam vindicavit, sed non iam liber ac laetus erravit.
- Latino
- La Lingua delle Radici 1
- Versioni dai Libri di Esercizi
