Apud Romanos pontifices erant magistratus, quibus cura religionis ac sacrarum caerimoniarum committebantur. Rex Numa primus quattuor potifices patricii generis creavit, qui rei publicae religionibus praeessent ac pristinos mores custodirent; quibus postea additi sunt quattuor pontifices plebei ita ut octo essent: unde illi “maiores”, hi “minores” pontifices appellati sunt. Postea Sulla numerum auxit ad quindecim, quibus Iulius Caesar decimum sextum adiecit. Pontificum collegio et omnium sacerdotum collegiis praeerat summa cum auctoritate pontifex maximus. Tanta erat auctoritas tantumque momentum pontificis maximi, ut Octavianus Augustus ipse et post eum omnes imperatores Romani semper hoc munus sibi reservaverint.
- Latino
- Maiorum Lingua B
- Versioni dai Libri di Esercizi
