De artificis talis est mea opinio: primum improbantur artes portitorum et feneratorum, quae omnes alias superant odio hominum. Illiberalia autem et sordida sunt munera mercennariorum omnium, quia operas suas, non artes vendunt; illis enim merces est auctoramentum servitutis. Sordidi animi etiam sunt homines cum emunt apud mercatores mercem quam statim magno lucro vendunt; multum enim lucrum faciunt ob mendacium. Opificesque omnes vilis animi sunt et in sordida arte vivunt; nec enim quicquam ingenuum habet officina. Tales enim artes non probabum, quia eas voluptatum ministras putavimus: “Cetarii, lanii, coqui, fartores, piscatores”, ut dicit Terentius; adde etiam unguentarios, saltatores, totumque ludum talarium. Prudentia autem et non mediocris utilitas sunt in artificis medicinae et architecturae. Mercatura contra, si tenuis est, sordida est; sin magna et copiosa et sine fraude, quoniam multa undique apportat multisque sine vanitate impertit, non est admodum vituperabilis.
- Latino
- Lingua Viva 1
- Versioni dai Libri di Esercizi
