Ianus a Romanis scriptoribus antiquus Italiae deus putatur. Ianus enim – ut scriptores tradunt – primus Romanis sacros ritus dedit. Is omnium operarum initiis praesidebat, quapropter primus anni mensis Ianuarius appellatus est et deo sacer fuit. Sculptores pictoresque Romani Ianum bifrontem fingebant, id est cum duplici vultu, quod uno vultu praeterita facta respiciebat, altero futura animadvertebat. Praeterea Ianus cum baculo in dextra manu clavemque in sinistra fingebatur, quia sub eius tutela erant urbium domorumque ianuae, qua homines in urbes domosque inibant et quae a deo nomen trahebant. Romae Iani templum apud montem Capitolium erat: templi ianuae belli tempore aperiebantur, pacis tempore, autem, claudebantur. A Iano nomen trahit etiam Ianiculus mons, qui trans pontem Sublicium apud Tiberim surgit.
- Latino
- Maiorum Lingua A
- Versioni dai Libri di Esercizi
