Olim deus Saturnus, qui ex Olympo pulsus est, in terram venit: viri feminaeque cum suis liberis, qui dispersi per campos erant, a deo congregabantur et postea aratro terram versabant, frumenta serebant et flavas messes metebant. Postea regnum Latii obtinuerunt Faunus et Latinus. In Latini imperio in Italiam venit clarus dux Troianus Aeneas, cum parva sociorum turba in fuga ab Ilio post magni oppidi ruinam et incendium. Troiani Latinum bello vicerunt, postea amicitiam cum Latinis instituerunt et Aeneas in matrimonium Laviniam, quae Latini filia erat, duxit. In Latio tunc concordia regnavit: Iulus, Aeneae filius, Albam Longam, novum oppidum, condidit sibi, suis propinquis atque cuncto populo.
- Latino
- Lingua Viva 1
- Versioni dai Libri di Esercizi