“Fili mi, lupi et haedi fabellam ignorasne an non?” “Hanc fabellam ignoro, mater, sed opto a te nunc eam mihi narrari. Narrabisne an non?” “Certe eam tibi narrabo!” Audi, ergo, puerule. Haedus in stabulo manebat, in quo a matre capra relictus erat. Saepe secum cogitabat pavidum animal:” Quid agit mater mea? Quam ob causam me solum relinquit? Quantas curas solus habeo! “Tum lupus, qui fame laborabat, accessit, ostium pulsavit et caprina voce haedum vocavit. Hunc interrogat haedus: “Quis ostium pulsat?” Latro respondet: “Mater tua est; ianuam aperire potes. Qui terror te impedit?” At haedus, qui voce in errorem non inductus erat, dixit: “Quanta est fraus ista tua! Ad me vox pervenit caprina, sed lupum per rimulas video. Non aperiam illi, cuius mores non bene cognosco”. Audivistine fili mi? Quid fabula docet?” “Audivi, mater…Quidnam potest esse sine diffidentia tutum?”
- Latino
- Le Fabulae di Gaio Giulio Fedro
- Fedro
