Aesculapius, ut ferunt, filius Apollinis erat et, quoniam medicus egregius erat, Hippolyto, Thesei filio, vitam reddere potuerat, quare Iuppiter eum fulmine percussit. Tum Apollo, quia filii mortem in Iove punire non poterat, Cyclopes interemit: Cyclopes enim fulmina Iovi confecerant. Itaque Iuppiter Apollinem coegit Admeto, Thessaliae regi, per unum annum servire. Admetus Apollinem liberali hospitio accepit et summa observantia eum tractavit: quare, postquam in gravem morbum inciderat, oraculum ab Apolline accepit: «In vita manebis si quis sponte pro te decedere volet». Quoniam neque pater neque mater pro eo decedere voluerant, Alcestis, Admeti uxor, morti se obtulit et pro eo decessit; postea Hercules ab inferis admirabilem feminam revocavit et viro reddidit.
- Latino
- Sermo et Humanitas - Quaderno per il recupero
- Versioni dai Libri di Esercizi
