Veneris, pulcherrimae omnium dearum, maritus erat Vulcanus, turpissimus omnium deorum, Iovis et Iunonis filius. Is propter deformitatem a Iove de caelo deiectus in insulam Lemnum delapsus est, quo casu claudus factus dicitur. Erat autem deus ignis ac fabrorum ferrariorum; nec in Lemno solum, sed etiam sub Aetna monte et in Aeoliis insulis habere officinas dicebatur. Ministri eius erat Cyclopes gigantes, unum modo oculum media fronte habentes, qui Iovi fulmina fabricari putabantur.
- Latino
- Versioni Latinum Vertere
- Versioni dai Libri di Esercizi