Laudetur vero imperator, aut etiam appelletur aut illo nomine dignus putetur! Imperator esse non potest qui non potest cupiditatibus suis imperare. Refrenet primum libidines, spernat voluptates, iracundiam teneat, coerceat avaritiam, ceteras animi labes repellat, tum incipiat aliis imperare, cum ipse improbissimis dominis, dedecori ac turpitudini, parere desierit; dum quidem illis oboediet, non modo imperator, sed liber non erit. Eruditissimi viri solum sapientem liberum appellant. Vere liber est vir qui leges noscit ut eis pareat et colat, qui recta probat, qui gaudet officio, cui vita moresque considerati atque prudentes sunt, qui legibus non propter metum paret, sed eas servat, qui nihil dicit, nihil facit, nihil denique cogitat nisi libenter et libere.
- Latino
- Lingua Viva 1
- Versioni dai Libri di Esercizi
