Cimon Atheniensis, Miltiadis filius, celeriter ad principatum pervenit. Vir magnae fuit eloquentiae et singularis prudentiae, peritus et iuris civilis et rei militaris. Itaque populum urbanum in sua tenuit potestate et apud exercitum praeditus fuit magna auctoritate. Primum imperator apud flumen Strymona magnas Thracum copias fugavit; iterum apud Mycalem Cypriorum Phoenicumque classem devicit et cepit. Eodem die pari fortuna in terra dimicavit; nam statim e classe copias suas eduxit ingentesque barbarorum vires uno concursu prostravit. Dum domum revertit, in Atheniensium dicionem redegit nonnullas insulas, quae, propter imperii acerbitatem, seditionem concitaverant.
- Latino
- La Lingua delle Radici 1
- Versioni dai Libri di Esercizi
