Advocata contione C.Iunius, unus ex tribunis, Tempanium equitem vocari iussit coramque ei ” Sexte Tempani ” inquit
” quaero ex te arbitrerisne Caium Sempronium consulem aut in tempore pugnam inisse aut firmasse subsidiis aciem aut ullo boni
cunsulis functum officio; et tune ipse, victis legionibus Romanis, tuo consilio equitem ad pedes deduxeris restituerisque
pugnam; excluso deinde ab acie
nostra tibi atque equitibus num aut consul ipse subvenerit aut miserit praesidium; postero
denique die ecquid praesidii usquam habueris an tu cohorsque in castra versa virtute perruperitis; ecquem in castris consulem,
ecquem exercitum inveneritis, an deserta castra, relictos saucios milites. Haec pro virtute tua fideque, qua una hoc bello res
publica stetit, dicenda tibi sunt hodie; denique ubi C. Sempronius, ubi legiones nostrae sint, desertus sis an deserueris
consulem exercitumque; victi denique simus an vicerimus “.
- Latino
- Versioni di Marco Porcio Catone
- Livio