Galli, abundante multitudine, cum eos non caperent terrae quae genuerant, trecenta milia hominum ad sedes novas quaerendas miserunt.
Ex his portio in Italia consedit, quae et urbem Romanam captam incendit, et portio Illyricos per strages barbarorum penetravit et in Pannonia consedit: gens aspera, audax, bellicosa, quae prima post Herculem, Alpium invicta iuga et frigore intractabilia loca transcendit. Ibi, domitis Pannoniis, per multos annos cum finitimis varia bella gesserunt. Hortante deinde successu, divisis agminibus, alii Graeciam, alii Macedoniam, omnia ferro proterentes, petiverunt; tantusque terror Gallici nominis erat, ut etiam reges non lacessiti ultro pacem ingenti pecunia mercarentur.
- Latino
- Versioni Latinum Vertere
- Versioni dai Libri di Esercizi
