Exitu anni huius C. Laelius, legatus Scipionis, ab Terracone profectus, Romam venit; isque cum agmine captivorum ingressus urbem magnum concursum hominum fecit. Postero die in senatum introductus, captam Carthaginem Novam, caput Hispaniae, uno die receptasque aliquot urbes, quae defecissent, novasque in societatem adscitas exposuit. Maxime movit senatorum animos Hasdrubalis transitus in Italiam, vix Hannibali atque eius armis obsistentem. Productus etiam in contionem Laelius eadem edisseruit. Senatus ob res feliciter a P. Scipione gestas supplicationem in unum diem decrevit; Laelius primo quoque tempore cum quibus venerat navibus redire in Hispaniam iussus est.
- Latino
- Maiorum Lingua C
- Versioni dai Libri di Esercizi
