Sola est, in qua merito culpetur, pecuniae cupiditas. Non solum enim omissa sub Galba vectigalia revocavit, nova et gravia addidit, auxit tributa provinciis, negotationes quoque vel privato pudendas propalam exercuit. Ne candidatis quidem honores, reisve tam innoxiis quam nocentibus absolutiones venditare cunctatus est. Creditur etiam procuratorum rapacissimum quemque ad ampliora officia ex industria solitus esse promovere, quo locupletiores mox condamnaret. Quidam eum natura cupidissimum pecuniae fuisse tradunt; sunt contra qui opinantur ad manubias et rapinas necessitate compulsum esse summa aerarii fiscique inopia, de qua testificatus est initio statim principatus, professus quadringenties milies opus esse, ut res publica stare posset. Quod veri similius videtur, quando et pecuniis male partis optime usus est.
- Latino
- Maiorum Lingua C
- Versioni dai Libri di Esercizi
