Cicada sua rauca querula incommodum dabat noctuae, solitae in tenebris cibum quaerere et in cavo ramo interdiu somnum capere. Frustra noctua cicadae silentium indicebat; cicada noctuae verba contemnebat. Tum noctua dolo cicadam capit et dicit: “Suaviter canis; in ramum veni: vinum generosum, Minervae donum, bibere poterimus”. Quod cicadae gratae sunt blanditiae, cupide advolat; sed noctua e cavo exsilit et cicadam interficit.
- Latino
- La Lingua delle Radici 1
- Versioni dai Libri di Esercizi