Sulla, postquam pugnaverat apud Portam Collinam contra Marianos, in urbem victor intrans, multos viros inermes et securos, quia se per legatos dederant, contra ius divinum interfecit. Non solum adversarii sed multi homines innocentes vitam amiserunt. Nam liberae et feroces per urbem caedes accidebant et percussores sollicitati vel ira vel praedae cupiditate passim errabant novas neces quaerentes. Igitur Sulla aperte damnatus est a cuncta civitate et Q. Catulus palam ei dixit: «Quia in bello armatos, in pace inermes viros occidimus, breviter Romae nullus civis manebit». Tunc Sulla primum infamem tabulam proscriptionis induxit.
- Latino
- La Lingua delle Radici 1
- Versioni dai Libri di Esercizi
