Lacedaemonii in Peloponneso cum servis totam vitam agebant. Servos habebant Hilotas, qui in agris habitabant terramque colebant. Lacedaemonii contra in oppido domicilia habebant: nullam enim operam in agricultura ponebant, sed sola arma exercebant. Doctrinae studia vitaeque commoda contemnebant, nec timebant duram militiam ullaque bellorum pericula. Lacedaemoniorum liberi ferream disciplinam usque a prima pueritia accipiebant: numquam erant otiosi, magno studio in ludos gymnicos militiaeque disciplinam incumbebant et de audacia cum solis amicis contendebant. Ita non solum Lacedaemoniorum viri, sed etiam pueri adversa incommodaque ingrata oppetebant. Belli peritia inimicos terrebant et adversarios saepe vincebant.
- Latino
- Lingua Magistra 1
- Versioni dai Libri di Esercizi
