Caesar prima luce omnes eos, qui in monte consederant ex superioribus locis in planitiem descendere atque arma proicere iussit. Cum id sine recusatione fecissent et passis palmis se ad terram proiecissent, ut ab eo salutem petiverunt, consurgere iussit et pauca apud eos de lenitate sua locutus, quo minore essent timore, omnes conservavit militibusque suis commendavit, ne illi violarentur, neu quid sui desiderarent. Cum ita statuisset, ex castris sibi legiones alias occurrere et eas quas secum duxerat invicem requiescere atque in castra revertere iussit eoque die Larisam pervenit.
- Latino
- Lingua Viva 1
- Versioni dai Libri di Esercizi
