Antiquitus viri rudes erant, in silvis habitabant et cum feminis et liberis vivebant nec aratris terram colere sciebant. Primus Saturnus, Urani et Geae filius, ab Olympo in mundum veniebat, viros dispersos congregabat et aureum aevum instituebat. Saturnus Italorum deus erat et agros protegebat. In terra iustitia colebatur, arma non sciebantur et in agris laetitia erat: nam iustitia et temperantia in terra florebant et Saturni instrumenta regni erant. Atque viri feminaeque in concordia et in gaudio vivebant: nam nec bella nec pericula nec morbos cognoscebant sed poma carpebant quae terra sponte praebebat. Itaque Itali Saturni aevum aureum appellant et Romae quotannis a populo ludis deus Saturnus celebratur.
- Latino
- Lingua Magistra 1
- Versioni dai Libri di Esercizi
