Minerva, sapientiae dea, feminarum operarum patrona erat dearumque vestimenta magna peritia texebat. Graecae puellae, textrini peritae, Minervam magistram agnoscebant, at Arachne, puella ex Lydia oriunda, Minervae excellentiae non credebat. Nymphae de clivis descendebant fluviorumque aquas relinquebant et ad Arachnen veniebant: pulchras telas auro intextas obstupefactae spectabant. Olim puellam nympha vocat et dicit: «Certe Minervam optimam textricem putas». Tum Arachne nymphae verba in contumeliam accipit et Minervam ad certamen lacessit. Diu puella deaque magna industria telas texunt: Minerva Olympi deos, Arachne amatorias fabulas pingit. A puella deae peritia vincitur: tum Minerva Arachnes telam iracundià scindit et aemulae dicit: «Telas in perpetuum texes!» et statim puellam in araneam vertit. Inde misera aëria fila ramis vel aedificiorum angulis suspendit, sed etiam viri araneae telas saepe scindunt.
- Latino
- Lingua Magistra 1
- Versioni dai Libri di Esercizi
