Lacedaemonii in Peloponneso cum servis totam vitam agebant. Servi appellabantur Hilotae et in agris habitabant terramque colebant. Lacedaemonii contra in oppido domicilia habebant: nulla enim eorum opera in agricultura ponebatur, sed illi in solis armis se exercebant. Doctrinae studia vitaeque commoda contemnebant, nec illam duram militiam bellorumque pericula sibi timebant: numquam in pugnis fugiebant. Lacedaemoniorum liberi ferream disciplinam usque a prima pueritia accipiebant: numquam erant otiosi, sed luctam cupiebant et ab iis iacula libenter iaciebantur. Cum amicis magno studio in ludos gymnicos militiaeque disciplinam incumbebant et de audacia inter se contendebant. Ita non solum Lacedaemoniorum viri, sed etiam pueri adversa incommodaque ingrata oppetebant. Belli eorum peritia inimici terrebantur et saepe vincebantur.
- Latino
- Lingua Viva 1
- Versioni dai Libri di Esercizi
