Quem ignavissimi hostium contempsere (= contempserunt)? Nos consules an vos, Qui rites? Si culpa in nobis est, auferte imperium indignis; si in vobis, nemo deorum nec hominum sit, qui vestra puniat peccata, Quirites, vosmet tantum eorum paeniteat. Discordia ordinum est venenum urbis huius! Patrum ac plebis certamina, dum taedet vos patriciorum, dum patricios (taedet) plebeiorum magistratuum, Romae hostibus sustulere (= sustulerunt) animos! Pro deum (= deorum) fidem, quid vultis, Quiri tes? Tribunos plebis concupistis: concordiae causa tribunos concessimus. Decemviros desiderastis (= desideravistis): creari passi sumus. Decemvirorum vos pertaesum est: coegimus abire magistratu. Tribunos plebis creare itêrum voluistis: creastis (= creavistis). Qui finis erit discordiarum? Ecquando unam urbem habere, ecquando communem hanc esse patriam licebit?
- Latino
- Maiorum Lingua C
- Versioni dai Libri di Esercizi
