Annos undeviginti natus exercitum privato consilio et privata impensa comparavi, ut rem publicam a dominatione factionis oppressam in libertatem vindicarem. Qua re, Senatus in ordinem suum me adlegit et imperium mihi dedit. Populus autem me consulem, cum ambo consules in bello cecidissent, creavit. Interfectores parentis mei in exilium exspuli et postea bellum inferentes rei publicae vici bis acie. Bella terra et mari civilia externaque toto in orbe terrarum saepe gessi victorque omnibus veniam petentibus civibus peperci. Milia civium Romanorum sub sacramento meo fuerunt circiter quingenta. Stipendiis emeritis, deduxi in colonias aut remisi in municipia sua aliquanto plura quam trecenta milia eorum. Naves cepi sescentas; omitto naves minores quam triremes. Bis ovans triumphavi et tres egi curules triumphos et vicies et semel appellatus sum imperator. In consulato septimo, senatus consulto, Augustus appellatus sum. In triumphis meis ducti sunt ante currum meum reges aut regum liberi novem. Consul fueram terdecies cum scribebam haec, et annum agebam septuagesimus sextum.
- Latino
- Maiorum Lingua B
- Versioni dai Libri di Esercizi
