Pauper homo aegrotans sic deos orabat: ” Si e morbo evadam, boves centum immolaturus sum”. Dei, temptaturi eum, a morbo liberaverunt. at ille surgens, quoniam boves non habebat, ex adipe boves centum a se formatos, in ara posuit et sacrificavit. Sed dei, cum eum punituri essent, in somnio adfuerunt ei, dicentes: ” Abi ad litus; ibi enim mille drachmas invenies”. Ille, e lecto surgens, laetus et alacer ad demonstratum locum perrexit. Sed cum aurum inventurus esset, in piratas incidit et ab eis comprehensus est. Captus ergo, orabat piratas ut dimitteretur et eis mille aurea talenta promittebat. Piratae, nullam fidem habentes, eum vendiderunt. Deus, ut fabula demonstrat, mendaciis inimicus est.
- Latino
- Versioni di Marco Porcio Catone
- Versioni dai Libri di Esercizi
